Сусветны дзень лёгкіх

Жыццё без паветра немагчыма - чалавек дыхае для таго, каб жыць! Захворванні лёгкіх стала частай і распаўсюджанай з'явай, і трэба памятаць, што смяротна небяспечнай можа стаць любая лёгачная паталогія.

Мы пачынаем казаць аб здароўі толькі тады, калі яго губляем. Здароўе - галоўная каштоўнасць у жыцці! Яго нельга купіць ні за якія грошы, але яго можна захаваць і ўмацаваць.

Сусветны дзень лёгкіх адзначаецца 25 верасень і служыць напамінкам пра важнасць клопату, прафілактыкі здароўя органаў дыхання.

Фактары развіцця паталогій грудной клеткі:

• курэнне;
• недахоп фізічнай актыўнасці;
• генетычная схільнасць;
• пераахаладжэнне;
• слабы імунітэт;
• дрэнная экалогія;
• алергены;
• няправільнае харчаванне;
• хранічныя захворванні;
• ўзрост;
• стрэс і псіхаэмацыйны стан;
• шкодныя ўмовы працы.

Як захаваць здароўе дыхальнай сістэмы?

1. Пазбаўцеся ад згубных звычак. Курэнне (у тым ліку пасіўнае) правакуе не толькі развіццё захворванняў органаў дыхання, але і змяншае эфектыўнасць шматлікіх лекавых прэпаратаў.
2. Адмоўцеся ад утрымання ў доме «пылазборнікаў» - насценных і падлогавых дываноў, мяккіх цацак, адкрытых стэлажоў з кнігамі, пуховых і пёравых падушак.
3. Рэгулярна праветрывайце памяшканне, праводзіце вільготную ўборку, падтрымлівайце аптымальныя паказчыкі тэмпературы і вільготнасці ў памяшканні, выкарыстоўвайце ачышчальнікі паветра.
4. Праходзьце вакцынацыю ад сезонных інфекцый, туберкулёзу, пнеўмакокавай інфекцыі. Гэта дапаможа прадухіліць захворванні, якія могуць ускладніць стан лёгкіх.
5. Праходзьце штогадовае абследаванне лёгкіх пры дапамозе метаду флюараграфіі або рэнтгенаграфіі. Пры першых сімптомах захворвання звяртайцеся да ўрача.
6. Уключайце ў рацыён шмат садавіны, гародніны і прадуктаў багатых антыаксідантамі. Пазбягайце залішняга спажывання тлушчаў і цукру. Піце дастатковую колькасць вадкасці для падтрымання нармальнай працы арганізма.
7. Пазбягайце знаходжання ў людных месцах, адмоўцеся ад наведвання масавых мерапрыемстваў у перыяд вірусных захворванняў. Выконвайце элементарныя правілы асабістай гігіены (мыццё рук), выкарыстоўвайце сродкі абароны.
8. Займайцеся фізічнай актыўнасцю, дыхальнай гімнастыкай, гартуйце арганізм і часцей шпацыруйце на свежым паветры – усё гэта спрыяюць паляпшэнню функцыі лёгкіх і ўмацаванню дыхальнай сістэмы.
9. Лечыце зубы своечасова! Бактэрыі з ротавай паражніны могуць трапляць у органы дыхання і лёгкія. Гэта парушае іх працу і прыводзіць да розных захворванняў..
10. Выкарыстоўвайце сродкі індывідуальнай абароны, калі ваша праца звязана з уздзеяннем пылу, хімікатаў і іншых небяспечных рэчываў.

У рамках правядзення Сусветнага дня лёгкіх будзе працаваць прамая тэлефонная лінія:

25 верасня з 12.00 да 13.00 па тэлефоне 8 (0232) 20-19-65 на базе У «Гомельская абласная туберкулёзная клінічная бальніца» на пытанні адкажа ўрач-пульманолаг Бачарова Вольга Пятроўна.

Агароднікава Вераніка Алегаўна,

памочнік лекара-гігіеніста

дзяржаўнай установы "Гомельскі абласны цэнтр гігіены, эпідэміялогіі і грамадскага здароўя »